如果到東京旅遊，位於銀座的《琥珀珈琲》是無論那次打算去試幾多間未去過的咖啡店，都一定會安排時間坐半天。行程都是先在隔離幾個舖位，銀座上班族去吃個快飯的那種中華料理店點個炒飯，個炒飯不得之了呀，粒粒飯心都熱辣辣，乾爽唔會黐住，先再去喝咖啡。以前第一次來是慕名店子的歷史，其後因為愛上觀賞店長沖煮咖啡時的節奏、古老磨豆機的聲音、看他們打開舊年代雪櫃用大冰塊急凍飲品的程序——是一場肌肉記憶的表演，好看又富教育意義。
相隔了一個 Pandemic 的大海，闊別幾年，甫見面店員主動向我熱情揮手，我點會唔認得佢，而係佢竟然仲認得我。外面江湖人人爭先要說好自己的故事，上一次再見之後，再次拉開那道掛上搖鈴的門，屋子𥚃水仍是水。
